العمر راح ولا عليه الحسايف

الله من عين ن نظرها نصايف = وكبدن عيوف وكل شي تلوفه

ورجلن على الممشى تجيب الكلايف = من هالزمان الي حدتني سيوفه

العمر راح ولا عليه الحسايف = الا على زلات نفسي حسوفه

اخاف من يوم تجي بصحايف = اخبار كل العمر عيني تشوفه

في ماقفن يحتاسبه كل شايف = ولاتنفع الرجال كثرت احلوفه

ياقلب انا بسالك ليه انت خايف = اغنم زمانك لاتفوتك اكشوفه

سجل بذكر الله كلام الشفايف = ازرع بهدنياء وتجني اقطوفه

خلك مع القران مثل الولايف = تفزع لك ابوقت الشدايد احروفه

ويبقى ربيعه بالضلوع الرهايف = والباقيات الصالحات معروفه

ولاتندفع لاللي علومه طرايف = اللي على الزلات نفسه لهوفه

اما تشيل النفس فوق النوايف = ولا تجيبك لرذيله تحوفه